“जनकल्याण रक्तकेंद्र परीवाराचा वार्षिक अभ्यासवर्ग भाग ८”

डॉ दिलीप वाणी (MD Pathology)

थलेसिमिया मुक्त भारत  Incharge

सालाबादप्रमाणे जनकल्याण रक्तकेंद्र परीवाराचा “वार्षिक अभ्यासवर्ग” दि.५,६ मार्च,२०२५ रोजी कै.वामनराव ओकरक्तकेंद्र,ठाणे येथे संपन्न झाला.या अभ्यासवर्गाचे मुख्य आकर्षण होते “इलेक्ट्राॅनिक हिमोग्राम(CBC) वाचून “थॅलेसेमिया” या अनुवंशिक रक्तविकाराचे निदान कसे करायचे ? या निमित्ताने सर्व देशभरात विशेषत: गुजरात व महाराष्ट्रात हे प्रशिक्षण देणार्‍या “आश्रय” या संस्थेचे संस्थापक अध्यक्ष डाॅ.दीपक मोरेश्वर नाईक व त्या संस्थेच्या आरोग्य विभागाचे सचिव प्रा.प्रकाश पांगम यांची सुवर्णभेट झाली.

या अभ्यासवर्गाच्या निमित्ताने “आश्रय” सामाजिक, सांस्कृतिक व शैक्षणिक न्यास,ठाणे” या संस्थेचे कार्य संस्थापक अध्यक्ष डाॅ.दीपक मोरेश्वर नाईक यांच्याच मुखातून ऐकण्याचा सुवर्णयोग आला.त्यांच्या संस्थेच्या “थॅलेसेमियामुक्त महाराष्ट्र” या अभियानाची सविस्तर माहिती सांगेनच.पण त्याआधी त्यांची अन्य कार्ये सांगतो.डाॅ.दीपक मोरेश्वर नाईक यांचे “मुखदर्शन” म्हणजे साक्षात हिंदूहृदयसम्राट मा.बाळासाहेब ठाकरे यांचेच पुण्यस्मरण ! प्रथमदर्शनीच ते “कट्टर शिवसैनिक” आहेत हे कोणीही न सांगता आपोआपच लक्षात येते.त्यांचे बोलणे सुरू झाले की हा उत्साहाचा प्रचंड मोठा “धबधबा” असल्याचे क्षणोक्षणी जाणवत रहाते.त्यांचे पत्रकारितेमधले कार्य एवढे श्रेष्ठ आहे की “थॅलेसेमियामुक्त महाराष्ट्र” हे त्यांचेच काम त्यापुढे एकदम “खुजे” वाटायला लागते.त्यांच्या पत्रकारिता, मानवाधिकार,सायबर सुरक्षा,मराठी भाषा संवर्धन अशा अन्य कार्याचा “आवाका” खूपच मोठा आहे.वाचा.

१.२००० रूग्णांची विनामूल्य मोतीबिंदू शस्त्रक्रिया
२.५००० रूग्णांच्या विनामूल्य हृदयशस्त्रक्रिया
३.एक लाख आदिवासी मुलांची विनामूल्य थॅलेसेमिया रक्त तपासणी.
४.जि.प.शाळांना विनामूल्य संगणक व टॅब वाटप
५.कोरोना काळत विनामूल्य धान्यवाटप
६.संपूर्ण महाराष्ट्रात विनामूल्य आरोग्य शिबिरे

त्यांच्या या कार्याची दखल घेऊन जर्मन विद्यापीठाने त्यांना सन्माननीय “डाॅक्टरेट” बहाल केलेली आहे.त्यांच्या अन्य पुरस्कारांची यादी द्यायची झाल्यास एक स्वतंत्र लेखच लिहावा लागेल.ही व्यक्ती एवढी “एनर्जी” आणते तरी कुठून ? आज त्याचा शोध लागला.कारण त्यांच्या घरातच सौ.प्रीती दीपक नाईक नावाची “अन्नपूर्णा” ठाण मांडून बसलेली आहे !

“सगळी सोंगे आणता येतात ! पण पैशाचे सोंग कसे आणायचे ?” हे त्यांचे वाक्य माझ्या हृदयाला जाऊन भिडले. आपला जनकल्याण रक्तकेंद्रांचा अनुभव असा नाही.जनता “जगन्नाथाच्या रथा” ला सर्वांनाच हात लावायचे असतात. त्यामुळे “थॅलेसेमियामुक्त भारत” या “जगन्नाथाच्या रथा” ला सर्वजण नक्कीच “हातभार” लावतील.खरी गरज आहे ती समाजाचे “प्रबोधन” करण्याची !